mi tawa lon nasin pi tomo mute

mi pilin e kon pona suwi pi pan seli

kon li kama tan seme?
noka mi li alasa e kon

mi kama lon tomo esun pan

te o kama pona a to
jan pali li toki

te tenpo pini poka la mi pini e pan sin

zz insa pan li jo e ko kili loje

zz ona li seli
zz sina o esun to

mi toki
te mi o pana e mani seme to

te o pana e mani tu tu to

mi alasa e lipu mani tu tu
mi pana tawa jan
jan li pana e pan seli tawa mi
esun pona

mi open e uta mi
mi lukin moku
taso pan li seli
zz zz li pakala e uta mi

te ike to mi toki

te o awen lili zz o pakala ala e sina to
jan pali li toki