jan utala [wile e ni]
zz li jan utala ala
zz li jan lili taso la
zz zz ona li jan lili pi nasa lili
ona li kama suli
zz lon ma tomo pi jan mute mute a
jan lili mute
zz li lon poka li wile musi
taso
jan [wile e ni] li wile ala musi
zz lon poka pi jan lili ni<^
jan [wile e ni] li wile musi
zz lon tomo pali pi mama mije ona

mama meli li kama pana
zz e jan [wile e ni] la
zz zz pakala sijelo la
zz zz zz mama meli li kama moli
jan [wile e ni]
zz li sona ala e mama meli
taso
ona li sona pona e mama mije

tawa jan lili [wile e ni] la
zz mama mije li jan pi pona nanpa wan
zz ona zz li musi nanpa wan
zz zz zz li sona nanpa wan
zz zz zz li wawa nanpa wan
zz zz zz li sewi nanpa wan
ni>^ li tan ni>
zz mama mije li sona mute
zz zz e nasin pi seli ijo

zz te o kama lukin e ni a to

ni^ li toki pi mama mije lon tenpo mute
tenpo ale la
zz jan [wile e ni]
zz zz li kute e toki ni^
zz zz li sona e ni>
zz zz zz ona li kama lukin e ijo wawa
kepeken tenpo lili la
zz ona li tawa poka mama

zz te sin li seme to

mama mije pi jan [wile e ni]
zz li jo e poki telo suli wan
zz zz zz e poki telo lili wan

zz te o sona
zz zz telo mute li ken pakala e ijo
zz zz taso
zz zz telo ale pakala li nasin ante
zz zz ona li kule ante
zz zz zz li pakala e ijo ante
zz zz zz zz kepeken wawa pi mute ante to

zz te sina kama pakala e seme
zz zz zz kepeken telo tu ni a to

mama mije li musi
zz te kiwen jelo mani a to

zz te seme la
zz zz zz sina wile pakala
zz zz zz zz e kiwen jelo mani aaa
zz zz o nasa ala
zz zz mani li pona aaa
zz zz o pakala ala aaa to

zz te mi toki e nimi pakala
zz zz mi toki ala e ni>
zz zz zz mi weka e kiwen jelo to

zz te seme aaa to

zz te o kama lukin
zz zz jan lawa li pana
zz zz zz e sike ni> pi kiwen jelo
zz zz zz zz tawa mi to

mama mije li kama jo
zz e kiwen jelo kepeken ilo
kepeken ilo la
zz ona li pana e kiwen jelo
zz zz tawa poki telo nanpa wan

jan [wile e ni] li lukin wawa
taso ala li kama

mama mije
zz li weka e kiwen jelo tan telo
zz li pana e ona tawa len
seli li kama
kiwen jelo li moku lili e len

zz te a
zz zz ni^ li telo pi moku len anu seme
zz zz ona li moku ala
zz zz zz e kiwen jelo tan ni>
zz zz zz zz kiwen li wawa
zz zz taso
zz zz len li wawa lili la
zz zz zz moku li ken anu seme to

zz te sama ni to

mama mije
zz li kama jo sin e kiwen jelo
zz li pana e ona
zz zz tawa poki nanpa tu
jan [wile e ni] li lukin wawa
tasotenpo sin la
zz ala li kama

mama mije li weka e kiwen jelo tan telo
luka ona li alasa e sike nanpa tu pi kiwen jelo

zz te kiwen jelo ni
zz zz zz li tan jan lawa ala
zz zz mi esun e ona
zz zz zz lon esun pi jan mute to

mama mije
zz li pana e telo lili tawa supa pali
zz li pana e kiwen jelo lon telo ni
seli a
zz tawa
en pana kon
zz li kama
mama mije li weka e kiwen jelo nanpa tu
zz tan telo

jan [wile e ni] li wile sona mute
zz te a
zz zz seme li kama to

zz te kiwen jelo nanpa wan
zz zz zz li pona li tan kiwen jelo mani pona taso
zz zz telo nanpa tu
zz zz zz li ken ala pakala
zz zz zz zz e ijo pi kiwen jelo mani pona taso
zz zz ni^ la
zz zz zz kiwen jelo nanpa tu
zz zz zz zz li tan ala kiwen jelo mani pona taso
zz zz zz kiwen jaki kin li lon to

zz te a
zz zz tenpo lili la
zz zz zz mi pilin e ni>
zz zz zz zz kiwen jelo nanpa wan li ike
zz zz zz zz kiwen jelo nanpa tu li pona to

zz te lon la ante to
zz zz taso
zz zz sina ken lukin e ni> anu seme
zz zz zz telo nanpa wan
zz zz zz zz li ken ala pakala e kiwen jelo
zz zz zz telo nanpa tu
zz zz zz zz li ken pakala e kiwen jaki
zz zz zz taso
zz zz zz ona li ken ala pakala e kiwen jelo to

zz te mi wan e telo tu ni^ la seme to

zz te sina suwi
zz zz sina sona pona to
mama mije li mu musi
zz te taso
zz zz mi wile wan e ona
zz zz zz kepeken nasin nanpa
zz zz mi pana
zz zz zz e kipisi wan pi telo nanpa wan
zz zz zz e kipisi wan pi telo nanpa tu la
zz zz zz zz pona ala
zz zz mi wile pali e telo pakala pi kiwen jelo la
zz zz zz nasin li ni>
zz zz zz o pana zz zz zz zz e kipisi tu wan pi telo nanpa wan
zz zz zz zz e kipisi wan zz pi telo nanpa tu
zz zz sina wile ala wile lukin e ni>
zz zz zz mi pali to

zz te wile to

zz te n
zz zz taso
zz zz sina wile ala wile pali to

zz te aa
zz zz mi ken ala ken to

zz te ken
zz zz taso
zz zz o pali pona
zz zz pali pi telo tu ni
zz zz zz li kepeken tenpo suli
zz zz sina wan e telo tu la
zz zz zz kule ala o lon
zz zz taso
zz zz tenpo lili li kama li weka la
zz zz zz telo li kama loje lili
zz zz telo li loje la
zz zz zz ona li ken ala pakala pona
zz zz zz zz e kiwen mani jelo to

musi ale
pona a
tawa jan lili [wile e ni] la
zz nasin ni^ li musi

taso
tenpo ni la
zz jan suli utala [wile e ni]
zz zz li pilin pi musi ala
pimeja
kalama ala
pilin ike
monsi lawa li pilin ike mute
ale li pilin ike
pilin ike
pilin seli
pakala
wile lape

lon insa pi lawa ona la
zz jan [wile e ni] li kute
zz zz e kalama uta pi mama mije

zz te o moli ala
zz zz akesi moli li weka
zz zz taso
zz zz soweli ike pi wile moku
zz zz zz li awen lon poka
zz zz o tawa
zz zz o lape ala to

zz te mi ken ala
zz zz mi wile lape to

zz te ni li nasa ala
zz zz tenpo suli la
zz zz zz sina lape ala
zz zz zz sina alasa e kasi
zz zz zz zz li ko e kasi
zz zz zz zz li alasa e kiwen
zz zz zz zz li ko e kiwen
zz zz zz zz li pali
zz zz zz zz zz e telo ante mute
zz zz zz zz zz e ko ante mute
zz zz zz zz li wan e ona lon nasin nasa
zz zz zz zz zz tawa ni> taso
zz zz sina ken pali e ko pi pakala seli to

zz te lon la
zz zz zz mi pali sama sina
zz zz sina lon la
zz zz zz sina pali alasa lon tenpo ale
zz zz zz zz li lape lon tenpo ala to

zz te ni li lon
zz zz taso
zz zz pali mi li moli e mi
zz zz pali sina li weka e moli sina to

zz te mama o
zz zz mi pali pona anu seme to

zz te lon la
zz zz zz pali pona
zz zz taso
zz zz pali li pini ala
zz zz o tawa
zz zz o lape ala to

zz te mi pilin e ni>
zz zz zz mi pali pona ala
zz zz mi pana e ko pi pakala seli
zz zz zz tawa selo mi la
zz zz zz zz selo mi o kama ken
zz zz zz zz zz pakala ale e seli
zz zz taso
zz zz mi ken pilin e ni>
zz zz zz lon la
zz zz zz zz seli li pakala lili
zz zz zz zz zz e monsi pi lawa mi
zz zz ko o awen pona e mi
zz zz taso
zz zz ona li awen pi pona ale ala to

lon tenpo lili la
zz jan [wile e ni] li pilin e wile moli
taso
sitelen pi mama mije li kama tawa lukin ona

sitelen la
zz len pi mama mije li pimeja ale
zz zz taso
zz zz len nasa suli wan pi kule mute
zz zz zz li sike mute lon anpa pi lawa ona
zz jaki laso li lon sinpin ona
zz luka ona li jo e ilo pana pi telo pakala
zz ona li pana e telo tawa seli laso

a
ni^ li sitelen e tenpo ni>
zz mama mije li kama moli

mi wile ala sama ona
mi wile ala moli tan seli

jan [wile e ni] li open tan lape