ma li seli mute. mi pilin seli. mi wile e lete.

jan mute li pilin sama mi. mi mute li alasa e lete.

a, telo li lon. ona li lete ala lete?

mi pilin e telo kepeken luka mi. telo li lete.

mi weka e len pi noka mi. tenpo ni la, noka mi li len ala.

mi pana e noka mi tawa telo. pilin suwi a! pilin pona a!

jan mute li lukin e pali mi e pilin pona mi.

ona kin li weka e len li pana e noka tawa telo.

lon anpa pi suno seli la mi ale li pilin pona tan lete pi telo noka.