# tomo sewi pi nasin sewi Momon

.

tenpo ni la sina sona e ni: lawa nasa li lon nasin sewi Momon.

.

nasin seme la kulupu lawa pi nasin sewi Momon li ken kama e ni: jan li kute e lawa?

.

mi kama toki.

.

taso nanpa wan la, o sona e nasin tomo.

.

## tomo pi nasin tu li lon

.

nasin sewi mute li lon li kepeken tomo pi nasin ante.

.

jan mute pi nasin sewi Momon ala li lon ma Mewika li pilin e ni: jan lili pi jan sewi mama li moli lon palisa li pona e jan ale kepeken nasin esun nasa.

.

tenpo la, jan pi pilin ni li tawa tomo sewi lon tenpo esun ale.

.

jan li ken tawa tomo sewi pi wile ona.

.

ona li ken tawa tomo poka.

.

ona li ken tawa tomo weka.

.

ala li lawa e ni: jan li ken tawa tomo sewi.

.

taso kulupu pi nasin sewi Momon lawa mute.

.

ona li toki tawa jan ale e ni: ona li ken tawa tomo sewi wan seme.

.

nasin li ni:

.

kulupu lawa li lukin e lipu ma li kipisi suli e ona.

.

kipisi suli ma ale li jo e jan lawa wan suli.

.

sin la kulupu lawa li kipisi lili e kipisi suli ma ale.

.

kipisi lili ale li jo e tomo sewi wan.

.

tomo sewi ni la jan pi nasin sewi Momon pi kipisi lili ma ni li tawa lon tenpo esun ale.

.

ni li tomo sewi pi kulupu lili.

.

taso jan tu li kama wan olin lawa lon nasin sewi Momon la pali ni li ken ala lon tomo sewi pi kulupu lili.

.

ona o tawa tomo sewi wawa.

.

tomo sewi wawa li walo li suli li mani mute lukin li lon ma ale ala.

.

tomo sewi wawa la jan pi nasin Momon li pilin e ni: ona li ken pali sewi.

.

ni la jan pona taso li ken tawa insa pi tomo sewi wawa.

.

jan seme li jan pona?

.

jan ale ala pi nasin sewi Momon li pona pi mute pona tawa kulupu lawa.

.

sina wile kama jan pona tawa kulupu, la jan lawa lili pi tomo sewi lili sina o toki e ni: sina pona.

.

## jan pona pi mute pona

.

lipu li lon li toki e ni: jan pona pi mute pona li sama seme.

.

jan pona pi mute pona li pilin e ni: nasin sewi Momon li lon.

.

jan lawa suli nanpa wan pi kulupu lawa li wawa sewi.

.

jan pona pi mute pona li tawa tomo sewi lon tenpo suno pi nasin sewi.

.

jan pona pi mute pona li unpa lon nasin pona taso pi nasin sewi Momon.

.

jan pona pi mute pona li kepeken nasin len pona taso pi nasin sewi Momon.

.

jan pona pi mute pona li toki ala pi lon ala.

.

jan pona pi mute pona li kama e mani la ona li pana e mani wan tan mani luka luka tawa kulupu pi nasin sewi.

.

jan pona pi mute pona li 'pona sijelo' li moku ala e telo ike.

.

ijo namako li lon.

.

taso mi toki e ijo suli ale.

.

sina wile kama wan olin tawa jan pi nasin sewi Momon, anu sina wile ken tawa ma sewi pona pi nasin sewi Momon, la sina o pali e ijo ale ni.

.

https://commons.

.

wikimedia.

.

org/wiki/File:Salt_Lake_Temple,_Utah_-_Sept_2004-2.

.

jpg

.

# tomo suli pi tomo esun mute

.

## mani pi nasin sewi Momon

.

lon lipu pini la sina kama sona e ni:

.

jan pi nasin sewi Momon li wile kama lon insa pi tomo sewi wawa la ona o pana e kipisi mani pi mani pali tawa kulupu sewi.

.

nasin sewi ante mute li toki e ni: jan anpa o pana e mani.

.

taso nasin sewi Momon la, sina pana ala e mani la jan lawa li ken ala e pali mute.

.

nasin sewi Momon la wile pana li suli mute.

.

kulupu lawa pi nasin sewi Momon li mani mute mute mute mute mute.

.

mute seme?

.

lon la, mi ken ala sona.

.

lon ma Mewika la kulupu suli pi nasin sewi li ken toki ala e ni: ona li poki e mani pi mute seme.

.

taso jan mute pi nasin sewi Momon ala li pilin e ni: mute mani pi kulupu ni li sama mute tawa mute mani pi jan ni: ona li pali e kulupu esun Amason.

.

ni li mani mute, mute a.

.

kulupu li pali seme kepeken mani ni?

.

ona li pali e tomo sewi lili sin e tomo sewi wawa sin.

.

ona li pana e mani lili tawa pona pi jan anpa.

.

kin la, ona li pali e tomo suli pi tomo esun mute lon poka pi tomo sewi suli.

.

## tomo sewi wawa pi suli nanpa wan

.

lon ma kipisi Juta pi ma Mewika la ma tomo pi "telo namako" li jo e jan pi mute nanpa wan.

.

"telo namako" li nimi ma.

.

kin la, ma kipisi Juta la jan pi nasin sewi Momon li mute nanpa wan.

.

nasa ala la, tomo sewi wawa pi suli nanpa wan pi nasin sewi Momon li lon ma tomo pi "telo namako" a.

.

taso nasa lili la tomo esun suli li lon poka pi tomo sewi wawa suli.

.

tomo esun ni li suli mute li jo e tomo lili esun mute.

.

kulupu lawa pi nasin sewi Momon li pali e tomo suli sewi wawa e tomo suli pi tomo esun mute kin.

.

tomo suli esun la jan li ken esun e telo ike.

.

tomo suli esun la jan li ken esun e len ni: nasin sewi Momon la, ona li len pi mute pona ala e luka meli e noka meli.

.

tomo suli esun pi kulupu lawa la jan li ken pali e ijo ni: ona li ike a tawa nasin sewi Momon.

.

seme la kulupu lawa li pali e tomo esun ni?

.

tan mani.

.

seme ante li ken.

.

open la kulupu lawa li toki e ni:

.

ale o, lon poka pi tomo sewi wawa la mi wile pali e tomo esun pi suli mute.

.

ni li ken ike tawa sina la o sona e ni: sina pana e kipisi pi mani pali sina tawa mi la, mi kepeken ala mani ni.

.

mi pali e tomo esun suli la mi kepeken mani ante.

.

kulupu lawa li toki ala e ni: mani ante li tan seme.

.